Կցանկանայի դառնալ Ռուսաստանի առաջնորդը. Դալայ լամա

Բուդդայականների հոգևոր առաջնորդ Դալայ լաման  խորհուրդներ է տվել Ռուսաստանին. գրում է ДНИ.ru-ն։

Նա նշել է, որ Ռուսաստանը զգալի ներդրում է կատարում լավագույն աշխարհի ստեղծման գործում:  «Մի քանի տարի առաջ Newsweek-ի թղթակիցն ինձ հետաքրքիր հարց տվեց՝ եթե Ձեզ առաջարկեին դառնալ որևէ պետության առաջնորդ, ո՞ր երկիրը կընտրեիք։ Ես պատասխանեցի՝ Ռուսաստանը։ Ռուսաստանը մեծ նշանակություն ունի»,- ասել է Դալայ լաման։

Նրա խոսքերով՝ Ռուսաստանը կարևոր աշխարհագրական դիրք ունի` կապելով Եվրոպան, արաբական աշխարհը և Ասիան։

Միևնույն ժամանակ, խոսել է  ռուսական բնավորության այնպիսի գծի մասին, ինչպիսին է  ինքնամփոփ լինելը և ամբողջ աշխարհին անվտահությամբ ընդունելը, և ասել է, որ դա ինքնաոչնչացման ուղի է։ Դալայ լաման խորհուրդ է տվել Ռուսաստանին` ազատվել ինքնամփոփությունից: