Ձվերով գրոհ` ''Արցախ բանկ''-ի վրա

«Տոնուս» ընկերության կողմից խաբված քաղաքացիներն իրենց բողոքի ակցիան շարունակում են  «Արցախ բանկ»-ի` Սայաթ-Նովա փողոցում գտնվող մասնաճյուղի մոտ: Նրանք ձվեր են նետում բանկի պատուհանների ուղղությամբ` պահանջելով բացել դռները:

Yerkir.am-ի լրագրողը դեպքի վայրից հայտնում է, որ երբ մարդիկ հասան «Արցախ բանկ», բանկի անվտանգության աշխատակիցներն անմիջապես ներսից փակեցին դռներն ու փակցրեցին «փակ է» գրությունը: Բողոքողները նրանց հորդորեցին բացել դռները, հակառակ դեպքում` ձվեր կնետեն բանկի ուղղությամբ: Նրանցից ոմանք, սակայն, դեմ էին այդ քայլին, առաջարկում էին քաղաքակիրթ ձևով սպաել:

Նշենք, որ «Արցախ բանկ»-ի կառավարիչը խոստացել է ժամանել եւ խոսել բողոքողների հետ: