Ռուսական զորքերը գրոհ են ձեռնարկել Մարիուպոլի դիմադրության վերջին կենտրոնի՝ «Ազովստալի» վրա

Դոնեցկի ներկայացուցիչ Էդուարդ Բասուրինը հայտնել է Մարիուպոլում «Ազովստալի» վրա գրոհի մեկնարկի մասին՝ քաղաքում ուկրաինական ուժերի պաշտպանության վերջին հիմնական հենակետի։

Բասուրինը նաև «կեղծ» է անվանել «Ազովստալ»-ում խաղաղ բնակիչների ներկայության մասին ուկրաինական տեղեկությունը։

Նախօրեին Մարիուպոլի պարեկային ոստիկանության պետ Միխայիլ Վերշինինը հայտնել էր, որ «Ազովստալ» գործարանում մեծ թվով խաղաղ բնակիչներ կան։ «Այդ թվում՝ կանայք, երեխաներ, ծերեր և նորածիններ»,- ասել էր ոստիկանը։

Նրա խոսքով՝ մարդիկ թաքնվում էին այնտեղ գնդակոծությունից։

Այժմ գործարանը, որտեղ գտնվում է քաղաքում Ուկրաինայի զինված ուժերի վերջին խոշոր խմբավորումը, գրոհի է ենթարկվում ռուսական զորքերի կողմից։