Լրագրողների ձերբակալության թվով Թուրքիան առաջատար է

Թուրքիան գլխավորել է ամենաշատ բանտարկված լրագրողներ ունեցող երկրների ցուցակը: Նրան հաջորդում են Իրանն ու Չինաստանը. հայտնում է cihan.com-ը:

Ըստ Լրագրողների պաշտպանության միջազգային կոմիտեի զեկույցի` 2013 թիվը լրագրողների համար «երկրորդ վատագույն տարին է»: Փաստաթղթի համաձայն` աշխարհում կա 211 բանտարկված լրագրող:

Թուրքիան, Իրանն ու Չինաստանը ճանաչվել են լրագրողների դեմ «անհանդուրժող» վերաբերմունք ունեցող երկրներ, որտեղ լրագրողները կառավարությանը դեմ լինելու մեղադրանքով են բանտարկված:

Ըստ զեկույցի` Թուրքիայում բանտարկված լրագրողների թիվը հասնում է 40-ի, Իրանում` 35-ի, Սիրիայում` 12-ի, ընդ որում` 2013 թվականին Սիրիայում կորած լրագրողների թիվը եղել է 30-ը:

Ուշագրավ է զեկույցում տեղ գտած մի այլ տվյալ` աշխարհում բանտարկված լրագրողներից 124-ը դատապարտվել են կառավարության տապալման և կառավարության դեմ ահաբեկչության փորձ իրականացնելու մեղադրանքով: