Հանրապետության հրապարակը` մարմնավաճառների նոր հավաքատեղի

Մարմնավաճառ տրանսվեստիտները մեր երկրում իրենց այնքան «լավ» են զգում, որ արդեն Հանրապետության հրապարակի հենց մեջտեղում են հավաքվում: Այս մասին նշեց «Մենք» երիտասարդական շարժման փոխնախագահ Սեւան Աղաջանյանը:

Նա տեղեկացրեց նաեւ, որ իրենք ունեն լուսանկարներ, որոնք այսօր կհրապարակեն, թե ինչպես է մարմնավաճառը հանրապետության հրապարակի հենց կենտրոնում պարում: «Գռեհիկ արտաքինով, մի թիզ յուբկայով մարմնավաճառը հրապարակի կենտրոնում պարում է, ու ոչ ոք չի՞ նկատում նրան: Ոստիկանները նրան չեն տեսել, փաստորեն»,- ասաց Աղաջանյանը:

Ի դեպ, նա նշեց, որ ինչ իրենք սկսել են Կիրովի անվան զբոսայգուց վտարել մարմնավաճառներին, վերջիններս փորձում են կա'մ Հանրապետության հրապարակում, կա'մ Մանկական երկաթուղում «կանգնել»: