Շանթ Հարությունյանի հարազատներին չի թույլատրվում տեսակցել նրան

Նոյեմբերի 5-ին Մաշտոցի պողոտայում տեղի ունեցած անկարգությունների գործով կալանավորված, իսկ այժմ արդեն «Նուբարաշեն» հոգեբուժարանում գտնվող Շանթ Հարությունյանի ընտանիքի անդամներին չի թույլատրվում տեսակցել նրան: Այս մասին yerkir.am-ի հետ զրույցում ասաց Հարությունյանի փաստաբան Ինեսա Պետրոսյանը:

Նա հայտնեց նաև, որ երեկ է տեսակցել իր պաշտպանյալին, և որ նրա հետ ամեն ինչ կարգին է: Փաստաբանը հայտնեց, որ պատրաստվում են բողոքարկել Կենտրոն եւ Նորք-Մարաշ համայնքների առաջին ատյանի դատարանի` Շանթ Հարությունյանի նկատմամբ դատաբժշկական փորձաքննություն անցկացնելու որոշումը: Նրա խոսքով` դատարանի որոշումն անհիմն է, քանի որ 2009-ին նման փորձաքննություն անցկացվել է և պարզվել, որ Շանթ Հարությունյանը հոգեկան հիվանդությամբ չի տառապում: