Հայրիկյանն էլ է մասնակցում Շանթ Հարությունյանի համար կազմակերպված երթին

Այս պահին Ազատության հրապարակում մեկնարկել է «Ազատություն Շանթ Հարությունյանին և մյուս ձերբակալվածներին» ակցիան, որին ներկայացել են մոտ 50 քաղաքացիներ: Նրանց թվում են ակտիվիստներ Արգիշտի Կիվիրյանը, ՀԱԿ ակտիվիստ Տիգրան Առաքելյանը, ԱԻՄ առաջնորդ Պարույր Հայրիկյանը եւ այլք:

Հայրիկյանը Yerkir.am-ի հետ զրույցում նշեց, որ ինքը կողմ էր այդ հավաքի անցկացմանը, սակայն ձեռնպահ մնաց այլ մեկնաբանություններից, թե ինչու է ներկայացել:

Հելսինկյան ասոցիացիայի Վանաձորի գրասենյակի ղեկավար, իրավապաշտպան Արթուր Սաքունցը ոստիկաններին նախապես զգուշացրել էր նախատեսվող երթի մասին, սակայն քիչ առաջ ոստիկանները Սաքունցին` որպես երթի կազմակերպիչ, հորդորեցին մայթերով տեղաշարժվել: Արթուր Սաքունցը պնդեց, որ իրենք փողոցով են քայլելու, քանի որ դա իրենց` ազատ հավաքներ անցկացնելու իրավունքն է:

Ոստիկանների և ակտիվիստների միջև տարաձայնությունները շարունակվում են: Քիչ անց կմեկնարկի երթը: