Հայրիկյանն ամբողջ գիշեր ներողություն է խնդրել ոչխարներից

Պարույր Հայրիկյանն ամբողջ գիշեր «ներողություն է խնդրել աշխարհի բոլոր ոչխարներից», որ նրանց ընտրակաշառքով ընտրող մարդկանց հետ է համեմատել, քանի որ կարծում է` այդ մարդիկ ավելի ցածր որակի են, քան ոչխարները: Այս մասին լրագրողների հետ հանդիպման ժամանակ ասաց ԱԻՄ առաջնորդը:

Նախագահի թեկնածուն Հրանտ Բագրատյանին, Սերժ Սարգսյանին և Րաֆֆի Հովհաննիսյանին նա իրեն մրցակից չի համարում, այլ ասում է, որ նրանք իր ընկերներն են:

Հայրիկյանի կարծիքով` այս ընտրություններից առաջ քաղաքական դաշտը բավականին մաքրվեց:  «Ես անգրագիտության վերացման դասընթացներ չեմ ցանկանա անել թեկնածուների համար, թեև նրանք դրա կարիքն ունեն»,- ասաց նա և հավելեց. «Մենք գնում ենք` բարոյա-քաղաքական լծակներ ձեռք բերելու»:

ԱԻՄ առաջնորդը ընտրությունների համար մի քանի կարգախոս է որդեգրել՝  «Անկախ Հայաստանի հասնողը կարող է հասնել ազատ Հայաստանի», «Եկել է պատմական պահը՝ Պարույր Արշավիրի Հայրիկյան»: