Արգիշտի Կիվիրյանի նկատմամբ խափանման միջոց են ընտրելու

Armenia Today լրատվական կայքի համակարգող Արգիշտի Կիվիրյանին այսօր` ժամը 16:00-ին, հրավիրել են ՀՔԾ` «Կոմիտաս 5-ի գործով» նրա նկատմամբ խափանման միջոց ընտրելու համար: Այս մասին yerkir.am-ին հայտնեց Կիվիրյանը: «Կարող են նաև խափանման միջոց չկիրառել, սակայն դա խիստ կասկածելի է»,- ասաց նա:

Նշենք, որ Կիվիրյանին սատարող ակտիվիստները մտահոգված են, որ նրա նկատմամբ, որպես խափանման միջոց, կընտրվի կալանավորումը, այդ իսկ պատճառով այսօր` ժամը 16:00-ին, նախատեսել են ակցիա ՀՀ գլխավոր դատախազության մոտ:

Մենք տեղեկացանք նաև, որ այսօր ՀՔԾ-ում Արգիշտիի հետ կլինեն փաստաբաններ Լուսինե Սահակյանը և Երվանդ Վարոսյանը: Նշենք, որ 30-ից ավելի փաստաբաններ համաձայնել էին իրենց աջակցությունը ցուցաբերել ակտիվիստին: