Գեորգե Հաջին` Հայաստանի հավաքականի մարզի՞չ

Ըստ հայկական ԶԼՄ-ների` Հայաստանի ֆուտբոլի ֆեդերացիան հայտնել է, որ հնարավոր է ռումինացի Գեորգե Հաջին ղեկավարի Հայաստանի հավաքականը:

Հայաստանի ազգային հավաքականի նախկին ֆուտբոլիստներ` Արտավազդ և Արման Քարամյանները, ովքեր լավ հարաբերությունների մեջ են ռումինացի մարզիչի հետ, սատարում են նրա` ազգային ընտրանին գլխավորելու հնարավոր առաջարկը:

Agos.com-ը հայտնում է, որ Հաջին մերժել էր Թուրքիայի «Գալաթասարայ» թիմի մարզիչ դառնալու առաջարկը: «Գալաթասարայ»-ի նախագահ Ունալ Այսալը հեռուստատեսությամբ հայտնել է, որ ուրախ կլինի Հաջիին դարձյալ տեսնել «Գալաթասարայ» ակումբում:

Հիշեցնենք, որ ռումինացին 36 տարեկանում լքել է ֆուտբոլը:

1996-2001 թվականների ընթացքում խաղացել է «Գալաթասարայ»-ում, ինչպես նաև 2010-2011 թվականներին գլխավորել է նույն ակումբը:

Գեորգե  Հաջիի մասին մանրամասն տեղեկություններն` այստեղ: