Եվրախորհրդարանում քննարկվում է Թուրքիայի անդամակցության բանակցությունների առկախման հարցը

Երեկ Եվրախորհրդարանում քննարկվել է Թուրքիայի վերաբերյալ զեկույցը, որն այսօր կդրվի քվեարկության: Ըստ այդ զեկույցի` պահանջվում է ԵՄ-ին Թուրքիայի անդամակցության բանակցությունների առկախում. հաղորդում է ntv.com.tr կայքը:

Խորհրդարանի նիստը կայացել է Ստրասբուրգ քաղաքում: Նիստում ելույթ է ունեցել Թուրքիայի հարցերով զեկուցող Քեթի Փիրին և նշել, որ Թուրքիայի հետ հարաբերությունները լարվել են: Նա կոչ  է արել բանակցությունների ընթացքն առկախել:

ԵՄ հարեւանության քաղաքականության եւ ընդլայնման հարցերի հանձնակատար Յոհաննես Հանը նշել է, որ ներկայումս անհնար է Թուրքիայի հետ  անդամակցության նոր բանակցություններ սկսել: