Ովքեր են ՀՀ մարզական ֆեդերացիաների նախագահները

Վոլեյբոլի ֆեդերացիայի նախագահի ընտրության շուրջ ծավալված` Ծառուկյան-Բաղդասարյան հակամարտությունը շարունակվում է: Այսօր ՀԱՕԿ-ը հանդես եկավ հերթական հայտարարությամբ, որում, մասնավորապես, ասվում էր, որ ՀԱՕԿ-ը չի ընդունում և չի ճանաչում Հայաստանի վոլեյբոլի ֆեդերացիայի նախագահի ընտրության արդյունքները եւ սկսում է Վոլեյբոլի ֆեդերացիայի հետկանչը վոլեյբոլի միջազգային ֆեդերացիայից: Այս կոնֆլիկտը պատճառ դարձավ, որ հետաքրքրվենք, թե ովքեր են մարզական ֆեդերացիաների մյուս նախագահները, որոնց ընտրության մասին լսել կամ չենք լսել:

Շախմատի ֆեդերացիայի նախագահը, ինչպես հայտնի է շատերին, ՀՀ նախագահ Սերժ Սարգսյանն է:

ՀՀ դահուկային ստորտի ֆեդերացիան ղեկավարում է արտակարգ իրավիճակների նախարար Արմեն Երիցյանը:

ՀՀ ըմբշամարտի ֆեդերացիայի նախագահն է ռուսաստանցի գործարար Սամվել Կարապետյանը (Կալուգայի Սամո):

Ֆուտբոլի ֆեդերացիայի նախագահն է Ռուբեն Հայրապետյանը: 

Ռեգբիի ֆեդերացիան ղեկավարում է տրանսպորտի եւ կապի նախարար Գագիկ Բեգլարյանի եղբայրը` գործարար Յուրա Բեգլարյանը:

Թեքվանդոյի ֆեդերացիայի պատվավոր նախագահն է ԵԿՄ նախագահ, ԱԺ ՀՀԿ խմբակցության պատգամավոր, գեներալ Մանվել Գրիգորյանը:

Թենիսի ֆեդերացիայի նախագահն է ԱԺ նախկին պատգամավոր Հարություն Փամբուկյանը:

Հեծանվային մարզաձեւի ֆեդերացիան ղեկավարում է Ալեքսանդր Բերեզովսկին` Ռոման Բերեզովսկու եղբայրը:

Բասկետբոլի ֆեդերացիայի նախագահն է ՀԱՕԿ գլխավոր քարտուղար Հրաչյա Ռոստոմյանը:

Իսկ մարմնամարզության ֆեդերացիան ղեկավարում է օլիմպիական եռակի չեմպիոն, լեգենդար մարզիկ Ալբերտ Ազարյանը: