Պետբյուջեով հրատարակված գրքերը գումարո՞վ են տրվում անապահով ընտանիքի երեխաներին

Դասագրքերի բաշխման ու  վարձավճարների հավաքագրման առնչությամբ մարզերից  ահազանգեր են գալիս, որ  մարզային կրթության վարչություններից դպրոցներին պարտադրում են իրացնել դպրոցների գրադարաններում եղած բոլոր դասագրքերն այն դեպքում, երբ աշակերտների թիվը պակասել է, կամ 5-րդ տարում դասագիրքը նույն արժեքով է տրվում աշակերտին, ինչ առաջին տարում. հայտնում է «Բարև Երևան» դաշինքը, որի տարածած հաղորդագրության մեջ ասված է.

«Կա ահազանգ այն մասին, որ սոցիալապես անապահով ընտանիքների երեխաներին միայն ԴՇՀ-ի (Դասագրքերի շրջանառու հիմնադրամի)  հրատարակած  դասագրքերն են տրվում անվճար, իսկ պետբյուջեով հրատարակված գրքերը՝  գումարով:

Տեղեկացված եմ նաև, որ    ծնողները  դասագրքերը հաճախ չեն  ուզում վերցնել՝ ասելով, որ դրանք կայքում տեղադրված են, և երեխան օգտվում է կայքից, կամ երկու հոգով մեկ գիրք են ուզում վերցնել, որը դպրոցի գրադարանավարներին և տնօրեններին հաճախ ծանր կացության առջև է կանգնեցնում:

Կարծում եմ, որ ժամանակն է վերանայել Դասագրքերի շրջանառու հիմնադրամի գործունեությունը, և գտնել դասագրքերի  օգտագործմանը նպաստող ավելի արդյունավետ ու փոխշահավետ  մեխանիզմ»: