Հանդիպում` Եվգենի Կասպերսկու հետ

 «Կասպերսկի լաբորատորիայի» հիմնադիր-տնօրեն, պրոֆեսոր Եվգենի Կասպերսկու` Հայաստան այցի շրջանակներում կկայանա մամուլի ասուլիս. տեղեկացնում են Spring PR ընկերությունից:

Պրոֆեսորի հետ հանդիպումը տեղի կունենա հոկտեմբերի 18-ին, ժամը 12:30-ին, Հայաստանի պետական ճարտարագիտական համալսարանի (ՀՊՃՀ) ռեկտորատի նիստերի դահլիճում: Հայաստան այցի շրջանակներում Եվգենի Կասպերսկուն  կշնորհվի ՀՊՃՀ պատվավոր դոկտորի կոչում:

Մինչև պաշտոնական միջոցառնման մեկնարկը, մասնակիցները հնարավորություն կունենան անմիջականորեն շփվել և կարծիքներ փոխանակել Եվգենի Կասպերսկու հետ: Հանդիպման առաջին հատվածում Կասպերսկին կներկայացնի կիբեր սպառնալիքների յոթ մակարդակները` էվոլուցիան, դրանց հետ պայքարի միջոցների զարգացումները, սկսած floppy-սկավառակների ֆորմատավորումից, խոցելի ենթակառուցվածքների պաշտպանության ժամանակակից միջոցներից մինչև կիբերզենքի կիրառման հանդեպ միջազգային վերահասկողության վերաբերյալ բանակցությունները: