''Կասպերսկու լաբորատորիան'' կհամագործակցի Ինտերպոլի հետ

«Կասպերսու լաբորատորիան» կիբերսպառնալիքների դեմ պայքարի նպատակով համաշխարհային մակարդակով ակտիվորեն համագործակցելու է Ինտերպոլի հատուկ ստորաբաժանումների հետ` INTERPOL Global Complex for Innovation. տեղեկացնում է ИТАР-ТАСС-ը:

Պայմանավորվածությունը ձեռք է բերվել «Կասպերսու լաբորատորիա»-ի գլխավոր տնօրեն Եվգենի Կասպերսկիի, Ինտերպոլի գլխավոր քարտուղար Ռոնալդ Նոուբլի եւ IGCI-ի գործադիր տնօրեն Նոբորու Նակատանիի միջեւ Մոսկվայում:

«Ես երկար տարիներ ձգտում էի ստեղծել ինտերնետ-Ինտերպոլ, եւ վերջապես դա իրականություն դարձավ: Մենք ակտիվ մասնակցություն ունենք կիբերհանցագործությունների հետաքննությանը` տրամադրելով մեր փորձագետներին, տեխնոլոգիաները եւ ռեսուրսները տարբեր երկրների իրավապահ մարմիններին: Այժմ հանցագործներին չի հաջողվի թաքնվել ինչ-որ հեռավոր երկրում»,- հանդիպումից հետո հայտարարել է Կասպերսկին: