Ժիրինովսկին խոստացել է կոտրել ՌԴ-ում Նիդերլանդների դեսպանատան պատուհանները

Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին հայտնել է, որ իր կուսակցությունը Մոսկվայում Նիդերլանդների դեսպանատան շենքի մոտ բողոքի ակցիա կկազմակերպի՝ Հաագայում ռուս դիվանագետ Դմիտրի Բորոդինին ձերբակալելու հետ կապված. հայտնում է Интерфакс-ը։

Նրա խոսքերով՝ ոստիկանները իրավունք չունեին ձերբակալել ՌԴ դեսպանատան աշխատակցին: «Եթե նույնիսկ նա ավազակ է, ինչ-որ բան է գողացել, միևնույն է, նա դիվանագետ է: «Անձեռնմխելիություն» բառը գոյություն ունի բոլոր լեզուներում»,- ասել է նա:

Պատգամավորը խոստացել է, որ կկոտրի Նիդերլանդների դեսպանատան բոլոր պատուհանները: «Մենք չենք առաջնորդվի  «Մեզ ապտակում են, իսկ մենք մյուս այտն ենք դեմ տալիս» սկզբունքով։ Մենք նույնպես կհարվածենք՝ ճակատին, քթին»,- ասել է նա: