Ստից հարց ա. Տիգրան Կարապետյանը` ՄՄ-ի մասին

Ժողովրդական կուսակցության նախագահ Տիգրան Կարապետյանը «ստից հարց» որակեց Հայաստանի` Մաքսային միությանն անդամակցելու որոշումը:

«Ես ռուսներին միշտ նորմալ եմ վերաբերվել: Բայց արդյոք դա պարտադրանք չի՞: Կանչել են, ասել` մտեք: Ռուսը պարտադրում է. իրեն պետք է միավոր: Եվ ոչ միայն մեզ է պարտադրում, նաև փորձում է պարտադրել Ուկրաինային»,- ասաց բանախոսը` հավելելով, որ ինքը դեմ է Հայաստանի` Մաքսային միությանն անդամակցելուն:

«Կարելի է մոտավորապես պատկերացնել Հայաստանի կշիռը ՄՄ-ում: Տուպիկի մեջ ենք: Խորհրդային տարիներին երկաթգիծը Հայաստանում էր վերջանում: Պարզ է, որ Պուտինին միավոր էր պետք»,- նշեց Կարապետյանը` հավելելով, որ չի ընդունում նաև ռուսների այն ցինիկ արտահայտությունները, թե իրենք են պահում մեր սահմանը: