ՏԵՍԱՆՅՈՒԹ․ Ողորմելի ստից դեպի դրական ազդակներ․ Լիլիթ Գալստյան

ԱԺ «Հայաստան» խմբակցության անդամ, ՀՅԴ Հայաստանի ԳՄ անդամ Լիլիթ Գալստյանը ԱԺ-ում իր ելույթում անդրադարձավ ՄԱԿ-ի գլխավոր Ասամբլեայի նստաշրջանում Փաշինյանի բաց թողած բացառիկ հնարավորությանը՝ հայտնում է Yerkir.am-ը։

«Օրերս` ՄԱԿ-ի գլխավոր Ասամբլեայի 76-րդ նստաշրջանում,  Փաշինյանը բացառիկ հնարավորություն ուներ  միջազգային այդ բարձր  հարթակում բարձրաձայնելու  Հայաստանի շուրջ ծավալվող աշխարհաքաղաքական պայթյունավտանգ իրավիճակի, նոր պատերազմի հնարավորության, նաև գոյաբանական այն ռեալ սպառնալիքների մասին, ինչի մեջ հայտնվել է Հայաստանը:

Ներկայացնելով գոյություն ունեցող խնդիրների լուծման վերաբերյալ իր տեսակետներն ու առաջարկությունները՝ Փաշինյանը հնչեցրեց անհասցե՝ Լեռնային Ղարաբաղը ենթարկվեց ագրեսիայի արտահայտությունը, մոռանալով, իսկ ավելի շուտ չցանկանալով բարձրաձայնել այդ ագրեսիայի հիմնական դերակատարի՝  Թուրքիայի անունը:

Փաստագրված հանցագործությունների կողքին Փաշինյանը չհիշատակեց ագրեսորների կողմից օգտագործված ՝ ֆոսֆորյաին ռումբերի մասին, որը միջազգային կոնվեցիայով արգելված զանգվածային ոչնչացման զինատեսակ է:

Մարդն, ով  երկու տարի առաջ բղավում էր՝  թե Արցախն Հայաստանն է և վերջ, որը Շուշիում նախագահական երդմնակալության էր մասնակցում, ՄԱԿ-ի հարթակից ճիգ անգամ չգործադրեց՝ բարձրաձայնելու  թշնամու կողմից  Շուշին  ու Հադրութը օկուպացնելու մասին, այն Հադրութի մասին, ուր պատմականորեն թուրքական ենթակայություն ու թուրքի ոտք երբեք չի մտել:

Բայց, ինչպես կարող էր հանկարծ նրա խոսույթում՝ որպես  քաղաքական փաստարկ արժևորվել Արցախի Հանրապետությունը կամ  Շուշին: Այն դեպքում, երբ  երբ Շուշին  ուրանալու նրա  բացահայտ սին փաստարկներին երեկ ավելացավ ևս մեկը՝  երեսուն տարի այնտեղ մեր կողմից ոչինչ կառուցված չլինելու մասին  ողորմելի սուտը:

Մինչդեռ ՄԱԿ-ի բարձրագույն ամբիոնից թուրք ադրբեջանական ագրեսիայի և այլ փաստարկների բարձրաձայնումն ուժեղացնելու էին  բանակցային գործընթացքում ՀՀ  դիրքերը:
Եվ թող իմ ընդդիմախոսները չփորձեն Լեռնային Ղարաբաղին վերաբերող ՄԱԿ-ի ոչ հայամպաստ բանաձևեր և հոդվածներ հիշատակել: Դրանք չեն վերաբերում Շուշիին ու Հադրութին:
Թե Շուշին, թե Հադրութը թշնամուն հանձնելը երբեք չի քննարկվել բանակցային գործընթացի որևէ փուլում, ինչի մասին խոսել է նաև ԱԳ նախարար Զոհրաբ Մնացականյանը:

Փաստորեն, ՄԱԿ բարձր ամբիոնից չխոսելով Լեռնային Ղարաբաղի հանրապետությունից բռնի և ապօրինաբար, միջազգային
քրեական արարքների կատարմամբ տարածքների բռնազավթման մասին, Փաշինյանը շարունակում է առաջ տանել այն թեզը, որ Լեռնային Ղարաբաղի հարցի լուծումը պետք է  ընդունելի լինի ադրբեջանի ժողովրդի համար:

Թերևս հենց այս համոզումով  էլ պայմանավորված՝ խոսելով Սոտք- Խոզնավար հատվածում Ադրբեջանական զորամիավորումների ներխուժման մասին,  Փաշինյանը մոռանում է  Հայաստանի Հանրապետության մեկ այլ տարածքում՝  Սյունիքում  տարածքային զավթումների և Գորիս Կապան ճանապարհի որոշ հատվածների Ադրբեջանի կողնից փաստացի վերահսկման մասին:

Ոչ մի պատահական բան՝ դժվար չէ եզրակացնել.  Հայասռանից դրական ազդակների մասին թուրքական կողմի հայտարարությունները պարտվողական, նվաստացուցիչ ու անարժանապատիվ հենց այս վարքագծի վրա են խարխված:

Իսկ տարածրջանի համար խաղաղ զարգացման  փաշինյանական տեսլականն այս անգամ  ծառայեցվում է Թուրքիայի շահերին՝ ստորադասելով մեր պետականության ապագան ու մեր կենսական շահերը»,-ասաց Լիլիթ Գալստյանը:

Մանրամասն՝ տեսանյութում․