Սերժ Սարգսյանը ներկա է գտնվել ''ԴիջիԹեք էքսպո-2013''-ին

Նախագահ Սերժ Սարգսյանն այսօր ներկա է գտնվել  «ԴիջիԹեք էքսպո-2013» միջազգային տեխնոլոգիական ցուցահանդեսի բացմանը. այս մասին տեղեկանում ենք ՀՀ նախագահի պաշտոնական կայքից:

Արդեն ավանդական դարձած տեղեկատվական, հեռահաղորդակցական տեխնոլոգիաների ամենամյա ցուցահանդեսում ՀՀ  նախագահը շրջել է տաղավարներով, դիտել տարբեր ոլորտներ ներկայացնող տեղական և արտերկրյա շուրջ 120 կազմակերպությունների արտադրատեսականին, ծանոթացել ցուցադրված տեխնոլոգիաներին և ծառայություններին, ինովացիոն համակարգերին, այդ թվում՝ ծրագրային ու համացանցային լուծումներին:

Սերժ Սարգսյանը զրուցել է ցուցահանդեսի մասնակիցների հետ` իրենց ներկայացրած ընկերությունների ընթացիկ գործունեության, խնդիրների և հետագա զարգացման ծրագրերի մասին: