Թիմից դժգոհելու առիթ չունեմ. Ռաֆայել Նազարյան

Հակոբ Տոնոյանի անվան Սուպերգավաթի խաղարկությունից հետո Երևանի «Փյունիկ»-ի գլխավոր մարզիչ Ռաֆայել Նազարյանը լրագրողների հետ զրույցում ասաց, որ իր թիմից դժգոհելու առիթ չունի:

«Շնորհավորում եմ «Շիրակ»-ին: Մենք շատ էինք ցանկանում հաղթել, սակայն չստացվեց: Երևի պատճառն էլ այն էր, որ նոր ֆուտբոլիստներ կային, որ խաղային պրակտիկա գրեթե չունեին: Սա նաև առիթ էր ներկայացնելու նոր ֆուտբոլիստներին: Այսօր «Շիրակը» արժանի հաղթանակ տարավ: Նա առավելություն ուներ  թե' խաղով, թե' տարածքային առավելությամբ: Ինչ վերաբերում է մեր թիմին,  երկու պաշտպաններին  հանգիստ էինք տվել, որպեսզի կարողանան վերականգնվել: Դարպասապահ Գոռ Մալաքյանը զգուշացում ուներ»,- ասաց նա:

Հիշեցնենք, որ Գյումրիի «Շիրակ»-ը Հակոբ Տոնոյանի անվան Սուպերգավաթում` 2:0 հաշվով առավելության հասավ Երևանի «Փյունիկ»-ի նկատմամբ: