Ինձ համար ավելի կարևոր է խաղի որակը. Ռաֆայել Նազարյան

Հայաստանի ֆուտբոլի երիտասարդական հավաքականի գլխավոր մարզիչ Ռաֆայել Նազարյանը լրագրողների հետ հանդիպման ժամանակ նշեց, որ թիմը պատրաստ է Իսլանդիայի դեմ կայանալիք խաղին:

«Մենք լավ ենք պատրաստվել խաղին: Ուսումնասիրելով մրցակցին` հասկացել ենք, որ նրանք ունեն ամուր պաշտպանություն և անհատական որակներով աչքի ընկնող ֆուտբոլիստներ: Մեր խմբում ֆավորիտը, իմ կարծիքով, Ֆրանսիան է: Ինձ համար ավելի կարևոր է խաղի որակը: Իհարկե, արդյունքը նույնպես կարևոր է, բայց Ֆրանսիայի պես թիմի դեմ խաղալիս, երբ թելադրողը մրցակիցն է, կարևոր է որակով խաղ ցուցադրելը»,- ասաց Նազարյանը:

Հարցին, թե ինչո՞ւ են հավաքականում ընդգրկված հիմնականում «Փյունիկ»-ի ֆուտբոլիստներ, մարզիչը պատասխանեց. «Տվեք ինձ չորս ֆուտբոլիստի անուն, ովքեր հանդես են գալիս ուրիշ ակումբներում և համապատասխանում են հավաքականի պահանջներին»:

Ֆուտբոլի Հայաստանի Մ-21 հավաքականը հունիսի 6-ին Եվրո -2015-ի շրջանակներում կհյուրընկալի Իսլանդիայի ընտրանուն: Հանդիպումը կկայանա «Հրազդան» մարզադաշտում ժամը 19:00-ին: