Ըստ բրիտանացի փորձագետների՝ ՄԱԿ-ի զեկույցը չի ապացուցում Ասադի մեղքը

Բրիտանացի փորձագետները համարում են, որ ՄԱԿ-ի փորձագետների զեկույցը  ապացույցներ չի պարունակում, որ քիմիական զենքը Սիրիայում կիրառել է Բաշար Ասադի վարչակազմը. հայտնում է РИА Новости-ն:

Հիշեցնենք, որ ՄԱԿ-ի փորձագետները հաստատել են, որ Դամասկոսի մերձակայքում օգոստոսի 21-ին զարին է կիրառվել: Փորձագետների պատրաստած զեկույցը երկուշաբթի օրը ներկայացրել է ՄԱԿ-ի գլխավոր քարտուղար Պան Գի Մունը:

«Հաստատվել է, որ 1988 թվականին Սադամ Հուսեյնի կողմից քիմիական զենքի կիրառումից հետո, սա երկրորդ դեպքն է եւ առաջինը` 21-րդ դարում, որը քիմիական զենք է կիրառվել մեծաթիվ մարդկանց սպանելու համար»,- ասել է ՄԱԿ-ի գլխավոր քարտուղարը եւ այդ քայլը որակել «պատերազմական վտանգ»: