Երեք մեդալ` բռնցքամարտի միջազգային մրցաշարից

Սանկտ Պետերբուրգում ավարտվել է <<Մարզպետի գավաթ>> անունը կրող  բռնցքամարտի միջազգային  խոշոր մրցաշարը, որտեղից Հայաստանը ներկայացնող երեք բռնցքամարտիկներ` Նարեկ Աբգարյանը (52 կգ), Արարատ Մխիթարյանը (56 կգ) և Արա Պուլուզյանը (64 կգ) վերադարձան մեդալներով:

52 կգ քաշային Նարեկ Աբգարյանին   հաջողվեց  հասնել եզրափակիչ փուլ, որտեղ հայ բռնցքամարտիկը միավորներով պարտվեց Ուզբեկստանը ներկայացնող  Մուրադջան Ահմադալիևին:   

Երրորդ մրցանակակիր  դարձան վանաձորցի Արարատ Մխիթարյանը  (56 կգ)  և էջմիածինցի Արա Պուլուզյանը (64 կգ) : 

Մրցաշարին մասնակցում էր  22 թիմ:

Հայաստանի ազգային հավաքականը սեպտեմբերի 8-ից  ուսումնամարզական հավաք կսկսի Ծաղկաձորում: Հնարավոր է` Հայաստանի հավաքականին  միանան Ռուսաստանի, Լիտվայի, Թուրքմենիայի և Գերմանիայի բռնցքամարտիկները:

ՀԱՕԿ լրատվության բաժին: