Յոթ մեդալ ըմբշամարտի միջազգային մրցաշարից

Դանիայում անցկացվել է հունահռոմեական ըմբշամարտի ''A'' կարգի միջազգային մրցաշար, որտեղ իր մասնակցությունն է ունեցել նաև Հայաստանի հավաքականը:

Մեր տղաներն իրենց ուժերն են չափել Հունգարիայի, Գերմանիայի, Ֆրանսիայի, Նորվեգիայի, Ֆինլանդիայի և տանտերերի հավաքականի ըմբիշների հետ:

Հայ ըմբիշները նվաճել են յոթ մեդալ և թիմային հաշվարկով զբաղեցրել առաջին հորիզոնականը: Ոսկե մեդալ են նվաճել Սասուն Ղամբարյանը, Արթուր Շահինյանը և Արթուր Ալեքսանյանը (Լոնդոնի օլիմպիական խաղերի բրոնզե մեդալակիր), երկրորդ տեղեր են գրավել Տիգրան Թորոսյանը ու Սարգիս Տոնոյանը, երրորդ՝ Արամ Ջուլֆալակյանն ու Մաքսիմ Մանուկյանը:

Հավաքականի տղաներն արդեն փետրվարի 3-ից կմասնակցեն Երևանում անցկացվող ուսումնամարզական հավաքին, որին հրավիրված են ընդհանուր թվով 24 ըմբիշներ: