Իսրայելի նախագահին Բելառուսում ծնված լինելու մասին վկայական են տվել

Իսրայելի նախագահ Շիմոն Պերեսին հանդիսավորությամբ հանձնել են վկայական, որը հաստատում է, որ նա ծնվել է 1923 թվականի օգոստոսի 2-ին բելառուսական հողում` Վիշնյովո գյուղում: Բելառուսի ԱԳՆ-ի Աֆրիկայի եւ Մերձավոր Արեւելքի վարչության պետ Իգոր Լեշչենյան, հանձնելով վկայականը, ընդգծել է, որ «Իսրայելի նախագահին մշտապես ուրախ կլինեն տեսնել փոքր հայրենիքում». տեղեկացնում է РИА Новости-ն:

Ի դեպ, Բելառուսում Պերեսի ծննդյան 90-ամյակի կապակցությամբ այլ միջոցառումներ էլ են նախատեսվում: Ավելի վաղ, Պերեսի դստեր ներկայությամբ, Վիշնյովո գյուղի այն տան պատին, որտեղ ծնվել  ու մեծացել է Իսրայելի ապագա նախագահը, հուշատախտակ էր ամրացվել: