կարևոր
2974 դիտում, 5 ամիս առաջ - 2024-01-25 14:36
Հասարակություն

Փաշինյանն ասել է, որ Հայաստանը կադաստրի վկայական չունի․ Դուք եք հա՞ այդ վկայական տվողը․ հարց՝ Կադաստրի կոմիտեի ղեկավարին

Կադաստրի կոմիտեի ղեկավար Սուրեն Թովմասյանից այսօր լրագրողները հետաքրքրվեցին սահմանազատման ու սահմանագծման գործընթացի մասին, ինչին ի պատասխան նա ասաց, որ այդ հարցում  ամենակարևորն իրավական գնահատականն է։

«Իրավական գնահատականի հիման վրա միայն կարելի է ասել, թե որ քարտեզների հիման վրա կարելի է գործընթացն անել։ Այդ աշխատանքները տարվում են, ՀՀ փոխվարչապետի գլխավորությամբ կա խումբ, որտեղ իմ տեղակալներն էլ մասնակից են, ամենօրյա աշխատանք է տարվում»։

Սուրեն Թովմասյանի խոսքով՝ երբ արդյունքներ լինեն՝ հրապարակային տեղյակ կպահվի այդ մասին։

Դիտարկմանը, թե վարչապետ Նիկոլ Փաշինյանն ասել է, որ Հայաստանը կադաստրի վկայական չունի, հնարավո՞ր է այդ կադաստրի վկայական տվողը ինքն է, Կադաստրի կոմիտեի ղեկավարն ասաց, թե վարչապետի խոսքը, իր կարծիքով, վերաբերել է նրան, որ Հայաստանի սահմանները դեմարկացված ու դելիմիտացված չեն։

«Երբ ՀՀ սահմանները կլինեն դեմարկացված ու դելիմիտացված, դա ինքնին կնշանակի, որ Հայաստանի սահմանները փաստագրված են ու Հայաստանն ունի իր սուվերեն տարածքի վերաբերյալ տեղեկատվությունը»,- ասաց Թովմասյանը։

Մանրամասն՝ տեսանյութում։