Սաուդյան արքայադուստրը ստրկության մեջ է պահել իր աղախնին

ԱՄՆ Կալիֆոռնիա նահանգում մեղադրանք է առաջադրվել Սաուդյան Արաբիայի 42-ամյա արքայադուստր Մեշայել Ալայբանին այն բանի համար, որ նա ստրկության մեջ է պահել իր տան աշխատողին. գրում է Newsru.com-ը:

Ըստ նախնական տվյալների` արքայադուստրը 30-ամյա սպասուհուն աշխատեցրել է առանց հանգստյան օրերի` օրը 16 ժամ, դրա դիմաց վճարելով ամսական 220 դոլար` խոստացված 1600-ի փոխարեն: Մեկ տարի շարունակ նա կնոջը ստիպողաբար պահել է իր տանը` նրանից վերցնելով անձնագիրը: Մղձավանջն ավարտվել է, երբ աղախնին հաջողվել է տան մոտակայքից ավտոբուս նստել և ուղևորներին պատմել իր գերության մասին: Վերջիններս օգնել են կնոջը կապ հաստատել ոստիկանության հետ: