Իսպանիայի արքայադուստրը` կոռուպցիոն սկանդալի կենտրոնում

Իսպանիայի թագավորի կրտսեր դուստրը` Քրիստինան, կկանգնի դատարանի առջեւ կոռուպցիայի փաստով հարուցված գործի շրջանակներում, որում ներգրավված է նրա ամուսինը` Ինիակի Ուրդանգարինը. տեղեկացնում է Интерфакс-ը:

Դատավորը որոշել է արքայադստերը կանչել դատարան այն բանից հետո, երբ Ուրդանգարինի գործընկերը, որը նույնպես մասնակից էէ հանցագործությանը, դատավարությանն է ներկայացրել արքայական զույգի էլեկտրոնային նամակագրությունը «Ինստիտուտո Նոոս»-ի վերաբերյալ:

Հետաքննության նյութերով` Ուրդանգարինը ապօրինաբար գումարներ է փոխանցել իր ղեկավարած «Ինստիտուտո Նոոս» ոչ առեւտրային կազմակերպությանը:

Թագավորական ընտանիքը մեկնաբանություններ չի անում այդ կապակցությամբ: