Թուրքիայում ռուս լրագրողի են ծեծել

Ստամբուլի Թաքսիմ հրապարակում ծեծել ու ձերբակալել են ռուսաստանցի լրագրող Արկադի Բաբչենկոյին: Այդ մասին տեղեկատվությունը տեղադրված է Новая газета-ի կայքում:

Կայքը, հիմնվելով հենց լրագրողի խոսքերին, գրում է, որ նա լուսանկարելիս է եղել ոստիկանական դատարկ մեքենաները, երբ նրան են մոտեցել քաղաքացիական հագուստով մարդիկ, հրամայել դադարեցնել լուսանկարելը, ապա բռնել են նրան, քարշ տվել դեպի բակերը ու ծեծել: Այնուհետեւ Բաբչենկոյին տեղափոխել են հիվանդանոց, որտեղ նրանից առգրավել են փաստաթղթերը: Լրագրողը ենթադրում է, որ իրեն ծեծել են հատուկ ծառայությունների աշխատակիցները եւ իրեն մեղադրում են իշխանությունների ներկայացուցիչների վրա հարձակման մեջ:

Վերջին տվյալներով` լրագրողին տարել են ոստիկանական բաժանմունք, ուր գնացել է նաեւ Ստամբուլում ռուսաստանյան հյուպատոսության աշխատակիցը:

Արկադի Բաբչենկոն անկախ լրագրող է, համագործակցում է Новая газета-ի հետ, գրում է պատերազմական թեմաներով: