Պետք է ամեն ինչ անենք, որպեսզի միավորներ վաստակենք. Մարկոս Պիզելի

Հայաստանի ազգային հավաքականի և «Կրասնոդար»-ի կիսապաշտպան Մարկոս Պիզելին հավատում է իրենց հաղթանակին: Այդ մասին Պիզելին ասաց հավաքականի բաց մարզումից հետո` լրագրողների հետ զրույցի ժամանակ:

«Մենք աշխատում ենք միայն հաղթանակի համար: Ուրիշ ոչինչ մեզ հետաքրքիր չէ: Պետք է մտածենք, որ ուժեղ ենք, և մեզ մոտ ամեն ինչ կստացվի: Երկու տարի առաջ լավ ֆուտբոլ էինք ցուցադրում: Վերջին ժամանակներս մեզ մոտ չի ստացվում հաղթել: Պետք է ամեն ինչ մոռանանք և անենք հնարավոր ամեն բան հաղթանակի համար»,- նշեց Պիզելին:

Խոսելով  «Կրասնոդար» տեղափոխվելու մասին` Պիզելին ասաց. «Կուբան»-ում ավելի քիչ էի խաղում: Ես 28 տարեկան եմ, սպասելու ժամանակ չունեմ: Իմացա, որ «Կրասնոդար»-ը հետաքրքրված է ինձնով,  ընդունեցի առաջարկը: Այնտեղ ավելի շատ կկարողանամ խաղալ և ավելի շատ կօգնեմ ազգային հավաքականին»:

Ֆոտո` Շուշանիկ Հակոբյան