Հաճելի կլինի Նեյմարին տեսնել "Բարսելոնա"-ում. Ռոնալդինիո

Կատալոնական «Բարսելոնա»-ի նախկին առաջատար ֆուտբոլիստ` բրազիլացի Ռոնալդինիոն ուրախ է, որ իր հայրենակիցը՝ Նեյմարը, կարիերան շարունակելու է հենց այդ ակումբում:

«Շատ հաճելի կլինի Նեյմարին տեսնել «Բարսելոնա»-ում: Այն լավագույն ակումբներից է աշխարհում և հանդես է գալիս բարձր որակի առաջնությունում: Անկասկած, Նեյմարը հանգիստ  կամբողջանա թիմի հետ:  Նա այնպիսի ֆուտբոլիստ է, ով հանգիստ կարող է դառնալ լավագույնն աշխարհում»,- բրազիլացու խոսքերն է մեջբերում goal.com-ը:

Երկար բանակցություններից հետո Նեյմարը վերջապես  համաձայնության եկավ կատալոնական «Բարսելոնա»-ի հետ: Սակայն այս կապակցությամբ բրազիլացին ոչ մի մեկնաբանություն դեռ  չի արել: