«Բարսելոնա» ՖԱ-ն հրաժարվել է Նեյմարին ձեռք բերելու մտքից

Կատալոնական «Բարսելոնայի» ղեկավարությունը վերջնականապես հրաժարվել է Փարիզի ՊՍԺ-ի և Բրազիլիայի ազգային հավաքականի հարձակվող Նեյմար Ժունիորին ձեռք բերելու մտքից. այս մասին գրում է Sport.es-ը։

Ըստ լրատվականի՝ ֆուտբոլային ակումբն արդեն տեղեկացրել է Նեյմարին, որ այն ֆինանսական խնդիրների պատճառով հրաժարվել է նրան ձեռք բերելու մտքից:

Ավելի վաղ հայտնի էր դարձել, որ ՊՍԺ-ն 28-ամյա Նեյմարի տրանսֆերային իրավունքի դիմաց պահանջում է վճարել 175 միլիոն եվրո:

Հիշեցնենք, որ 28-ամյա ֆուտբոլիստը «Բարսելոնա» ՖԱ-ում հանդես է եկել 2013 - 2017 թվականներին, որից հետո տեղափոխվել է Փարիզի ՊՍԺ: Նրա տեղափոխությունն ամենաթանկն է ֆուտբոլի պատմության մեջ, այն է՝ 222 միլիոն եվրո: