Մոսկվայում ձերբակալում են գեյ-ակտիվիստների եւ նրանց հակառակորդների

Մոսկվայի իրավապահ մարմինների ներկայացուցիչները ձերբակալել են սեռական փոքրամասնությունների ներկայացուցիչների, ովքեր փորձել են ակցիա իրականացնել Պետդումայի պատերի մոտ:

Ըստ Интерфакс-ի` ժամեր առաջ երկու աղջիկ փորձել են պաստառներ պարզել ու ակցիա անցկացնել ընդդեմ հոմոֆոբիայի: Անմիջապես նրանց է մոտցել մի տղամարդ ու ապտակել աղջիկներից մեկին: Երեքն էլ ձերբակալվել են ոստիկանների կողմից: Առաջին խմբի ձերբակալությունից հետո մի քանի րոպե անց Պետդումային մոտեցել են եւս մի քանի աղջիկներ: Նրանց նույնպես ձերբակալել են:

Ներկա պահին Պետդումայի շենքի մոտ հավաքվել են տարբեր ԶԼՄ-ների մոտ 50 լրագրողներ: Շենքի մոտ հերթապահում են ոստիկաններ եւ հատուկջոկատայիններ: Ըստ Интерфакс-ի` այս պահին ձերբակալված է մոտ 10 միասեռական եւ նրանց հակառակորդներ: