Եթե կառավարությանը դեմ խոսողին ձերբակալում են մի բանի համար, որի համար կառավարությանը կողմ խոսողին չեն ձերբակալում՝ ուրեմն ձերբակալվածը քաղբանտարկյալ է. Նահապետյան

Եթե կառավարությանը դեմ խոսող մարդուն ձերբակալում են մի բանի համար, որի համար կառավարությանը կողմ խոսող մարդուն չեն ձերբակալում՝ ուրեմն հակակառավարական հայացքներ ունեցող ձերբակալվածը քաղբանտարկյալ է։ Այդ մասին ֆեյսբուքի իր էջում գրել է «Քաղաքացու որոշում» կուսակցության ներկայացուցիչ Միքայել Նահապետյանը:

«Լինել քաղբանտարկյալ չի նշանակում լինել անմեղ, չի նշանակում լինել լավը, չի նշանակում տվյալ արարքը կատարած չլինել։ Լինել քաղբանտարկյալ պարզապես նշանակում է դատվել մի բանի համար, որի համար չէիր դատվի, կամ էդքան խիստ չէիր դատվի, եթե պրոկառավարական հայացքների տեր լինեիր։ Ու ես պնդում եմ, որ Հայաստանում քաղբանտարկյալներ չպիտի լինեն։ Այսինքն ես պնդում եմ, որ, եթե հակակառավարական հայացքներով բռնություն քարոզողները դատվում են՝ պիտի դատվեն նաև պռոկառավարական քարոզիչները։