Ստամբուլում ոստիկանները գեյ-շքերթից բերման են ենթարկել Բունդեսթագի պատգամավորի

Ստամբուլում ոստիկանները գեյ-շքերթից բերման են ենթարկել 19 մարդու, այդ թվում` Բունդեսթագի պատգամավորի եւ Գերմանիայի եւս 2 քաղաքացու:

Պատգամավոր Ֆոլկեր Բեկը Reuters-ին ասել է, որ ոստիկանները նախ իրենց փորձել են Թաքսիմ հրապարակից ստիպողաբար նստեցնել տաքսի, ապա որոշ ժամանակով պահել են իրենց մոտ: Գերմանացի պատգամավորը տարակուսանք է հայտնել այն առնչությամբ, որ իրեն ասել են, որ եթե ցանկանում է մամուլի ներկայացուցիչների հետ շփվել, ապա միայն իր երկիր վերադառանլուց հետո, մինչդեռ Գերմանիայում թուրքերը կարող են բացահայտ արտահայտել  իրենց քաղաքական կողմնորոշումները:

Նշենք, որ Ստամբուլում ոստիկանները գեյ-շքերթի մասնակիցների դեմ արցունքաբեր գազ ու ջրցան են կիրառել: