Անկարգությունները Ստոկհոլմում շարունակվում են

Մայիսի 19-ին Ստոկհոլմի հյուսիսում սկսված անկարգությունները տեղափոխվել են երկրի հարավային և արևմտյան հատվածներ. հայտնում է Лента.ру-ն` վկայակոչելով The Local-ը:

Իրավապահ մարմինները չեն բացառում, որ հարավային ու արևմտյան շրջանների բնակիչները որոշել են օգտվել այն հանգամանքից, որ բոլոր իրավապահ ուժերը գիշերները կենտրոնացված են շվեդական մայրաքաղաքի հյուսիսում: Ընդհանուր առմամբ, մայիսի 21-ի գիշերը Ստոկհոլմում 30 մեքենա է այրվել:

Հիշեցնենք, որ անկարգությունները սկսվել են մայիսի 19-ի երեկոյան: Ենթադրաբար, անկարգությունների պատճառ է դարձել Խյուսբյու թաղամասի բնակչի մահը, ով սպանվել էր ոստիկանի կողմից: