Իսպանիան բնակության թույլտվություն կտա տուն գնող օտարերկրացիներին

Իսպանիայի կառավարությունը մտադիր է բնակության թույլտվություն տրամադրել այն արտասահմանցիներին, ովքեր ներդրումներ կկատարեն երկրի տնտեսության մեջ կամ բնակարան կգնեն. այսօր հայտարարել է Իսպանիայի տնտեսության եւ գործարարության աջակցման հարցերով պետքարտուղար Ֆերնանդո Խիմենես Լատորեն` ելույթ ունենալով Executive Forum ընկերության կազմակերպած հանդիպման ժամանակ:

Նա չի մանրամասնել կառավարության մտադրությունը, թեեւ նշել է, որ վերոնշյալ առաջարկները կընդգրկվեն կառավարության կողմից մշակվող` գործարարության մասին օրենքում, որը շուտով կընդունվի:

Լատորեն նաեւ հայտարարել է, որ արդյունաբերության եւ գործազրկության ոլորտում վատագույնն արդեն հետեւում է, եւ իսպանական տնտեսությունը այս տարեվերջին արդեն կթեւակոխի առողջացման փուլ: