Ութ կին հավակնում է Իրանի նախագահի պաշտոնին

Մայիսի 7-ից սկսվել է Իրանի Իսլամական Հանրապետության նախագահի պաշտոնի համար դիմումների ընդունումը: Արդեն 336 մարդ դիմում է ներկայացրել երկրի ՆԳՆ. լրագրողներին երեկ հայտնել է ներքին գործերի նախարար Մոստաֆամոհամադ Նաջարը: Ընդ որում, ըստ նրա, դիմումատուներից 8-ը կին են. տեղեկացնում է РИА Новости-ն:

Թեկնածուների համապատասխանությունը Սահմանադրությամբ ամրագրված պահանջներին եւ նրանց` ընտրություններին մասնակցելու նպատակահարմարությունը որոշում է Դիտորդական խորհուրդը` մարմին, որն իրականացնում է Սահմանադրության կատարման վերահսկողությունը:

Դիմումները կընդունվեն մինչեւ մայիսի 11-ը: Թեկնածուների անունները, ովքեր կմասնակցեն ընտրություններին, ՆԳՆ-ն կհրապարակի մայիսի 22-23-ը: Իրանի նախագահի ընտրությունները նշանակված են հունիսի 14-ին: