՛՛Բարեւ Երեւան՛՛-ը բազում ընտրախախտումներ է արձանագրել

Ընտրախախտումների մասին ահազանգում է նաեւ «Բարեւ Երեւան» դաշինքի նախընտրական շտաբը:

11/14 ընտրատեղամասում մի քաղաքացի բաց քվեարկություն է կատարել, ինչն արգելված է ընտրական օրենսգրքով, ապա հրաժարվել է ցուցադրել անձնագիրը: Դաշինքի վստահված անձը դիմել է ՏԸՀ նախագահին, որն էլ ընտրախախտման մասին տեղեկացրել է տեղամասում գտնվող ոստիկանին: Վերջինս քաղաքացուն տեղամասից դուրս է հանել եւ ոստիկանություն տանելու փոխարեն բաց թողել:

Նորքի 4-րդ զանգվածում տեղակայված 2/8 ընտրատեղամասում դաշինքի ներկայացուցիչը հայտնաբերել է կրկնակի քվեարկություն կատարողի, ում անձնագրի մեջ կիսամաքրած է եղել կնիքը: Դեպքի մասին հայտնել են ոստիկանությանը:

Դաշինքը ահազանգում է նաեւ ընտրակաշառքի մասին: Մասնավորապես` 20 հազար դրամ ընտրակաշառք եւ գունավոր գրիչներ են բաժանվում «Մխիթար Սեբաստացի» կրթահամալիրի հարեւանությամբ, ոստիկանության Շենգավիթի բաժնի մոտ, 17-րդ թաղամասում: