Րաֆֆի Հովհաննիսյանը կմիանա ''Բարև Երևան'' դաշինքի քարոզարշավին

«Ժառանգություն» կուսակցության ղեկավար, «Նոր Հայաստան» քաղաքացիական  շարժման հիմնադիր Րաֆֆի Հովհաննիսյանն այսօր լրագրողների հետ հանդիպման ժամանակ հայտարարեց, որ այսօրվանից մասնակցելու է «Բարև Երևան» դաշինքի քարոզարշավին:

«Ես լինելու եմ Երևանի բոլոր  համայնքներում: Համարում եմ, որ պայքարը պետք է լինի բոլոր հարթություններում` առանց հիասթափվելու»,- ասաց նա և համոզմունք հայտնեց, որ իրենց  դաշինքը հաղթելու է  մայիսի 5-ին:

Ըստ նրա` «Բարև Երևան» դաշինքը երիտասարդական է, մտավորական, վերկուսակցական:

Անդրադառնալով իրենց որդեգրած քղաքականությանը` Հովհաննիսյանն ասաց. «Թող ոչ ոք իմ օրիգինալ միտքն իրեն չվերագրի: Ես  զարմանում եմ, թե ինչպես այն  քաղաքական գործիչները, ովքեր  փետրվարի 18-ին  ոչինչ չարեցին,  սակայն այժմ գնահատականներ են տալիս ուրիշի արածներին: Թող ամեն մեկն իր մասին խոսի»: