Նոր Նորքում խոչընդոտում են ''Բարև, Երևան'' դաշինքի ակտիվիստներին

Նոր Նորքի 5-րդ զանգվածում` Միկոյան փողոցում, Վարդան անունով մի քաղաքացի իր խմբով խոչընդոտում է «Բարեւ Երեւան» դաշինքի ակտիվիստներին` բուկլետներ բաժանել այդ հատվածում. տեղեկացնում է Ստյոպա Սաֆարյանը:

«Քաղաքացու հետ քիչ առաջ ունեցած հեռախոսազրույցն անգամ բավարար չեղավ` հասկացնելու, որ նա քրեորեն պատժելի արարք է թույլ տալիս: «Ոչինչ, եթե պատժելի արարք եմ կատարում, թող պատժեն»,- հայտարարեց նա քիչ առաջ: Ինչպեսեւ նախազգուշացրի քաղաքացուն, հանցագործության մասին հաղորդում թողնվեց Նոր Նորքի ոստիկանության բաժանմունքում, նաեւ պահանջեցի ապահովել ոստիկանների ուղեկցություն` քարոզչական խմբի աշխատանքներն ապահովելու համար: Այս պահին ինքս էլ գնում եմ դեպքի վայր, որտեղ հավաքվել են թաղային հեղինակությունները, իսկ ակտիվիստները սպասում են ոստիկաններին ու լրատվամիջոցներին»,- Facebook-ում լրագրողների համար հաղորդագրություն է թողել Ստեփան Սաֆարյանը: