Րաֆֆի Հովհաննիսյանը կմիանա Սամվել Հայրապետյանի քարոզարշավին

Րաֆֆի Հովաննիսյանը հաջորդ շաբաթ կմիանա Սյունիքի թիվ 38 ընտրատարածքում ԱԺ մեծամասնական ընտրակարգով լրացուցիչ ընտրություններում «Ժառանգությունից» առաջադրված Սամվել Հայրապետյանի քարոզարշավին: Այս մասին, yerkir.am-ի հարցին ի պատասխան,  հայտնեց «Ժառանգության» նախագահը:

Ըստ նրա` թեկնածուների միջև լարվածություն է նկատվում: «Մեր թեկնածուն բավականին պարկեշտ քաղաքացի է: Նա հերթական անակնկալն է մատուցում բոլորին. գյուղից գյուղ շրջելով` պայքարում է հսկա կուսակցական բուրգի դեմ»,- ասաց Հովհաննիսյանը և հավելեց, որ իրենց թեկնածուն վայելում է սյունեցիների մեծ մասի համակրանքը:

Սյունիքում սեպտեմբերի 29-ին պատգամավորի թափուր աթոռի համար կպայքարի 3 թեկնածու՝ ՀՀԿ-ական Արմեն Կարապետյանը, ինքնաառաջադրված անկուսակցական, «Կապանի ՀՀԳ» ՍՊԸ-ի տնօրեն Վահրամ Հովհաննիսյանը եւ «Ժառանգությունից» առաջադրված` Կապանի բնակիչ, ազատամարտիկ Սամվել Հայրապետյանը: