Ֆրանսիայի նախագահի վարկանիշը ռեկորդային անկում է ապրել

Ֆրանսիայի նախագահի պաշտոնում Ֆրանսուա Հոլանդի գործունեությանը հավանություն է տալիս երկրի քաղաքացիների 25 տոկոսը: Սա ամենացածր մակարդակն է, որ գրացվել է Հինգերորդ հանրապետության պատմության մեջ` 1958-ի հոկտեմբերի 4-ից սկսած: Պատմական ռեկորդ է սահմանել նաեւ Հոլանդի աշխատանքներին բացասական գնահատականների աճը` 74 տոկոս. տեղեկացնում է РБК-ն` վկայակոչելով Ifop ինստիտուտի զեկույցը:

Ֆրանսիացիների կարծիքով` նախագահը եւ կառավարությունը անտեսում են տնտեսության եւ գործազրկության հետ կապված առաջնահերթ խնդիրները, դրա փոխարեն զբաղված են միասեռ ամուսնությունների օրինականացմամբ: Բացի դրանից` ֆրանսիացիները նախագահին հիշեցրել են Ժերոմ Կայուզակին, ով, բյուջեի նախարար լիենլով, պնդում էր, որ ներմուծվի հարկման կոշտ համակարգը, իսկ երբ պաշտոնանկ արվեց, պարզվեց, որ ինքը հարկեր չի վճարում:

Հարցմանը մասնակցել է 1875 ֆրանսիացի: