Ճապոնիայում համավարակի պատճառով գրանցվել է արտահանման ծավալների վերջին 10 տարվա ընթացքում ռեկորդային անկում

Ճապոնիայի Ֆինանսների նախարարությունը հայտարարություն է տարածել այն մասին, որ ապրիլին երկրի արտահանման ծավալների նվազել են. այս մասին հայտնում է ТАСС-ը՝ հինգշաբթի նախարարության կայքում հրապարակված զեկույցում տեղ գտած տվյալներին հղումով։

Նշվում է՝ նախորդ տարվա միևնույն ժամանակահատվածի համեմատ արտահանման ապրիլ ամսվա ծավալները նվազել են 29 տոկոսով, ինչը ամենախոշոր անկումն է 2009-ի հոկտեմբերից հետո: Այդ ժամանակ ճապոնական տնտեսությունն ապրում էր ֆինանսական համաշխարհային ճգնաժամի հետևանքները:

Արտահանման ծավալը կազմել է ավելի քան 48 միլիարդ դոլար. ցուցանիշը շարունակում է նվազել վերջին 17 ամիսների ընթացքում: