Պակիստանի նախկին նախագահին ձերբակալել են

Պակիստանում ապրիլի 19-ին ձերբակալել են երկրի նախկին նախագահ Փերվեզ Մուշարաֆին: Ոստիկանները գտել են նրան Իսլամաբադի` նրա նստավայրում. հայտնում է Reuters–ը:

Ավելի վաղ դատարանը Մուշարաֆին ձերբակալելու հրաման էր տվել, սակայն նրան հաջողվել էր փախչել հենց դատարանի դահլիճից:

Մուշարաֆը 2008-ին նախագահի պաշտոնը լքելուց հետո առաջին անգամ մարտի 24-ին էր ժամանել Կարաչի` ընդհանուր ընտրություններին մասնակցելու նպատակով: Հայրենիքում նա մեղադրվում է պաշտոնավարման օրոք սահմանադրության խախտման և դատավորների անօրինական ձերբակալման մեջ: Մուշարաֆը մեղադրվում է նաև 2007 թ. նախկին վարչապետ Բենազիր Բհուտոյի սպանության մեջ: