Ավարտվել է հանդբոլի` Հայաստանի պատանեկան առաջնությունը

Ինչպես փոխանցում է msy.am-ը` ավարտվել է հանդբոլի` Հայաստանի պատանիների առաջնությունը` նվիրված Հայաստանի ֆիզիկական կուլտուրայի պետական մարմնի հիմնադրման 90-ամյակին: Երևանում ապրիլի 9-14-ն իրենց ուժերն են չափել մինչև 14 տարեկան հանդբոլիստները:

Առաջնությանը  մասնակցել են հանդբոլի բարձրագույն մասնագիտացված դպրոցի, Խաղերի մասնագիտացված օլիմպիական մարզադպրոցի, Շենգավիթի, Արցախի, Գավառի, Ալավերդու, Վանաձորի և Աջափնյակի թիմերը:

Հայաստանի չեմպիոն է դարձել Աջափնյակի թիմը, 2-րդ և 3-րդ տեղեը զբաղեցրել են, համապատասխանաբար, հանդբոլի բարձրագույն մասնագիտացված դպրոցի և Արցախի թիմերը: Առաջնությունը լավ ստուգատես էր մասնակիցների համար, որտեղ լավագույնս իրենց դրսևորած մարզիկներն ընդգրկվելու են հանդբոլի Հայաստանի պատանեկան հավաքական թիմի կազմում: