կարևոր
3565 դիտում, 1 տարի առաջ - 2022-12-16 12:55
Քաղաքական

Հաղթանակը երևի մեզ չէր սազում, հոգեբանորեն չկարողացանք համակերպվել հաղթածի կարգավիճակին. Հայկ Ալումյան

Հաղթանակը երևի մեզ չէր սազում, հոգեբանորեն չկարողացանք համակերպվել հաղթածի կարգավիճակին. Հայկ Ալումյան

Փաստաբան Հայկ Ալումյանը ֆեյսբուքյան իր էջում գրում է․

Հաղթանակը երևի մեզ չէր սազում:

Հոգեբանորեն չկարողացանք համակերպվել հաղթածի կարգավիճակին:

25 տարի հաղթածի կարգավիճակում գտնվելուց ու այդ կարգավիճակին այդպես էլ չհարմարվելուց հետո, ընտրեցինք հաղթանակի հետ կապ չունեցող, հաղթանակը և հաղթողներին ատող մի իշխանություն:

Հետո ծափահարում էինք, երբ անտեղի կալանավորում, վարկաբեկում էին հաղթանակի հեղինակներին: Երբ հանուն հաղթանակի զոհվածներին անվանում էին հանուն ոչնչի զոհվածներ:

Հետո Ստեփանակերտում ու Շուշիում խանդավառությամբ, երգով-պարով, ամենաբարձր պետական մակարդակով և մի քանի տասնյակ հազար երկրպագողներով դիմավորում էինք Արցախի հերոսներին կալանավորածներին ու վարկաբեկածներին:

Այժմ աշխարհով մեկ աղաղակում ենք, որ մեզ հետ վատ են վարվում, բոլորին մեղադրում ենք. մի մասին՝ մեզ նեղացնելու, մյուս մասին՝ անտարբեր լինելու մեջ: