ՀՊՃՀ-ի մոտ կատարված սպանության մեղավորը ձերբակալված է

Այսօր` ապրիլի 10-ին, ժամը 04.00-ին, ոստիկանության Երևան քաղաքի վարչության և Կենտրոնականի բաժնի ծառայողների  ձեռնարկած  օպերատիվ միջոցառումների շնորհիվ, ՀՊՃՀ-ի մոտակայքում սպանություն կատարելու կասկածանքով, բաժին է ներկայացվել 1997 թ. ծնված  Հայկ Ա.-ն և խոստովանել իր կողմից կատարված սպանությունը. հայտնում  է ոստիկանության կայքը:

Փաստի առթիվ ոստիկանության Կենտրոնականի քննչական բաժնում ՀՀ քրեական օրենսգրքի 104 հոդվածի  1-ին մասի  հատկանիշներով հարուցվել էր քրեական գործ: Ձեռնարկվում են միջոցառումներ հանցագործության գործիք դանակը հայտնաբերելու ուղղությամբ: Հայկ Ա.-ն ձերբակալված է:

Հիշեցնենք, որ ապրիլի 9-ին ՀՊՃՀ-ի մոտակայքում ծեծկռտուք էր տեղի ունեցել, ինչի արդյունքում սպանվել էր 20-ամյա Տիգրան Հայրապետյանը: