Սևանում խոչընդոտում են թռուցիկներ բաժանելուն

Այսօր «Ժառանգություն» խմբակցության պատգամավոր Զարուհի Փոստանջյանը բաց նամակ է գրել ՀՀ վարչապետին, ՀՀ ոստիկանության պետին, ՀՀ մարդու իրավունքների պաշտպանին` ապրիլի 9-ին Ազատության հրապարակում իրազեկման թռուցիկների տարածումը խոչընդոտելու փաստի մասին: Նամակում, մասնավորապես, ասվում է.

«ՀՀ վարչապետ պարոն Տիգրան Սարգսյանին
ՀՀ ոստիկանության պետ պարոն Վլադիմիր Գասպարյանին
ՀՀ մարդու իրավունքների պաշտպան Կարեն Անդրեասյանին

Հարգելի գործընկերներ,

Սևան քաղաքի բնակիչներից հենց նոր ահազանգ ստացանք Սևանի քաղաքապետարանի և ոստիկանության աշխատակիցների կողմից ապրիլի 9-ին` ժամը 11:00-ին, Ազատության հրապարակում հանուն Նոր Հայաստանի երդմնակալության իրազեկման թռուցիկների տարածումը խոչընդոտելու փաստի մասին:

Հիմք ընդունելով վերոգրյալը՝ խնդրում եմ շտապ միջոցներ ձեռնարկել վերացնելու խոչընդոտները ՀՀ քաղաքացիների սահմանադրական իրավունքները իրացնելու հարցում և պատասխանատվության ենթարկել օրինախախտներին:

Հարգանոք՝

Զարուհի Փոստանջյան
ՀՀ ԱԺ «Ժառանգություն» խմբակցության քարտուղար»: