«Ո՛չ ընտրակաշառքին» թռուցիկներ` ՀՅԴ երիտասարդների կողմից

Մարտի 25-ին,  շարունակելով երիտասարդական-ուսանողական քարոզարշավը, ՀՅԴ երիտասարդները  կուսակցության նախընտրական ծրագիրն էին ներկայացնում Երևանի Մալաթիա-Սեբաստիա վարչական շրջանում:

ՀՅԴ «Նիկոլ Աղբալյան» ուսանողական և Հայաստանի երիտասարդական միությունների անդամները քաղաքացիներին էին ներկայացնում ՀՅԴ ուսանողական միության, բացառապես  ուսանողներին վերաբերող,  «Նոր սերունդ արդար Հայաստան», երիտասարդական միության՝ «Ո՛չ ընտրակաշառքին» թռուցիկները և ՀՅԴ նախընտրական հռչակագիրը:

Մասնավոր զրույցների ընթացքում երիտասարդները հնարավորություն ունեցան քաղաքացիներին ներկայացնել նաև Դաշնակցության քաղաքական առաջնահերթությունները, պետական կառավարման նոր համակարգի կարևորությունը և դրանով պայմանավորված գալիք ընտրության առանցքայնությունը, ինչպես նաև քաղաքացիներին հորդորեցին հեռու մնալ ընտրակաշառքից, տուրք չտալ զանազան ճնշումներին և մեր ընտրական համակարգը պախարակող այլ երևույթների, քվեարկել բացառապես սեփական խղճով:

Դաշնակցական երիտասարդների նմանաբնույթ հանդիպումները շարունակվելու են մինչև ընտրությունները և ներառելու են  Երևանի բոլոր վարչական շրջանները:

                                                                                                     ՀՅԴ երիտասարդական-ուսանողական
                                                                                                                             նախընտրական շտաբ
                                                                                                                                     25.03.2017 թվական